واحد قال لصاحبه :واش نركبو فالطوبيس؟؟ قال ليه : لا أصاحبي، حنايا غير نجريو موراه باش نشيطو 3 دراهم..وهو يرد عليه: كايبان ليا حسن نجرّيو مورا الطاكسى ونشيّطو 7 دراهم. **
واحد قال ليه صاحبو :شفت مراتك مع التريسيان فالدورة .... وهو يرد عليه : أش من تريسيان راه ما كايفهم والو فالتريسينتي غير الصناطح وصافي.
**
واحد دخل لحديقة الحيوانات وهو يدخّل راسو فلقفص ديال السبع، الحارس جا كايجري وقاليه: وا تا أشنو كاتدير ألمسطي ؟؟؟؟ قاله : وا غير بشوية أصحبي تا مالنا غادي ناكلوه..
**
واحد قال لمراتو : شوفي أحسن حاجة تاخدي لكونجي ديالك شهر و أنا ناخد الكونجي ديالي شهر و نسافرو شهرين عند دارنا فالعروبية..
**
واحد المرة شي وحدين كانو تابعين واحد هارب ليهم..وهما يشدوه مع الدورة وقالو ليه: نتا معانا ولا مع لخرين؟ قاليهم أنا معاكم..وهوما يقولوليه : راه حنايا هوما لخرين ..طااااخ..
**
واحد غبي طاح فالدروج وهو يمشي عند الطبيب..الطبيب عطاه بومادا وقاليه : إدهن مكان الإصابة..وهو يمشي يدهن الدروج.
**
أستاذ الرياضيات: إيلا كان عند باك سلف ب 5000 درهم وخاصو يرجعو على 5 أشهر شحال غادي يخلص في الشهر..
التلميذ: ما غادي يخلص تا ريال.
أستاذ الرياضيات: اجلس أولدي راك مافاهمش الدرس مزيان.
التلميذ: ولاّ أأستاذ.. راك نتا اللي مافاهمش لواليد مزيان.
**
دبّانة تساط عليها بفليطوكس وهي تطيح وقبل ما تسخف سمعات صوت لامبيلانص و لغوات.. ملي فاقت لقات حداها سراق الزيت ناعس و داير لكبص وهي تسولو ؟ فليطوكس..قاليها : لاّ صندالة.
**
واحد سكران حل الثلاجة وهو يبان ليه " flan " كايترعّد وهو يقوليه : ماتخافش غادي ناخد عصير..
**
واحد سخي بزاف تحرقات ليه دارو.. ملي جاو البومبية قاليهم والله يما تحطو ايديكم فشي حاجة قبل ما تشربو القهوة..
**
واحد سقرااام بزاف تحرقات ليه دارو وهو يبيبي على البومبية..
**
غبي ألغى موعده مع الدكتور لأنه مريض
السبت يونيو 20, 2009 6:50 pm