عارفة يا امه انا حاسس ان الموت ماخدش منك غير الطرحة و الجلبية السودة
ما انا كل ما اعدي جنب الأودة ..
اسمع صوتك و انتي بتضحكي على الدنيا و بتدعيلي
روح هتسافر و هترجع مجبور الخاطر
و هستناك
طب اسندي على كتفي.. بكره تقومي و بكره تخفيعارف مين بيقع و يقوم ..
أوعى تدور على الدفا في فلوس و هدوم..
و متنساش تحوش شوية صحاب , تفرح قوي لما يدق الباب
و تلاقي حد جاي يحضنك لوجه الله ,,, ياااااااه
طب فاكرة يا امه لما كنتي بتعملي البصارة , تدي منها لأبله سارة يرجع الطبق رز بلبن بيروح لأم حسن يرجع صنية بسيسة يااه
معقول كل ده قلب؟
انتي عارفة يا امه النهارده بقيت بخاف من اي حاجة و اي حد..
بقيت اخاف بجد..
مشيت كتير يا امي بس الفرح بعيد..
ياترى لسه بتدعيلي؟ يا ترى لسه بتدعيلي؟