إنزل يا واد من فوق كتاف القاهرة

دى قصيدة جميلة جدا

حبيت أنقلهالكم عشان بتعبر عن المهزلة اللى حصلت واللى لسة بتحصل لغاية دلوقتى

مليون شهيد...
وتاريخ مجيد
من الكفاح المشترك
وخوض غمار المعترك
وف اخر الشوط اخسرك
مين علمك تقتل اخوك
وامك وابوك
واحنا اللي قدمنا الدماء
قبل العرق
خلاص وصلنا لمفترق
وثورتك...حريتك
دول كان مخاضهم ارضنا
وف حضننا
تيجي انت تهتك عرضنا
تحرق علمنا
اللي كان شاهد علي قبر الشهيد
وترهب الطفل الوليد
تنسي تاريخك يابليد
بقي هوا ده الجيل الجديد
ده نسل بن بيلا وبومدين والرجال
اللي لما ضاق الكون عليهم
شدوا لبلادنا الرحال
رفعوا علمهم فوق صدورنا
قبل مايغوص ف الرمال
غمض عيونك جوه قبرك ياجمال
ماتشفش احفاد النضال
واقفل ودانك
اصل البيان الجاي من صوت العرب
بيقول علي المصري انضرب
بيقول تاريخك كله كان وهم وخطب
نام يابطل
لاعليك ملامه او عتب
وانزل ياواد من فوق كتاف القاهره
انت فقدت الذاكره
لاتصلي ف الازهر
ولاتمشي ف حواري السيده
ولاتسمع الكوكب وهيا منشده
ولاتقرا محفوظ النجيب
ولاحتي تسمع عندليب
خليك كده
تحرم عليك
كل العيون والأفئده
تحرم عليك كل الدماء والأورده
وبريئه منك الف مدنه
وكل جبهة ساجده
وانا هفضل المصري
كريم العنصرين
اللي متربي وساكن ف الحسين
اللي علمتك تقول الضاد
وتنطق كلمتين
يابو اللسان الأعجمي
انزل ياواد من فوق كتاف القاهرة
من امتي بتشيل العيال
دي مصر ولاده رجال
سادات...مبارك
ومعاهم الناصر جمال
واقفين علي شط القنال
رافعين علمها
اللي بإيديك اتحرق
رجاله من عزة وشهامة مش ورق
ياحارق الطوق والشراع
مين راح ينجيك م الغرق

لــ محمد محمود السعيد

الملكــة هتفضــل ملكـــة

لانهــا بتحس وتسطعـم جمــال المعنــى

الله عليكــى يا ايمـــى

شكرا ليك سلمونى الله عليك وعلى مجهودك فى المنتدى

دى قصيدة جميلة جدا
منقولك رائع سيدتي
سلمت يداكِ
كُنت هُنا
كرم

» اتهام تامر حسني بسرقة عمر و سلمى 2 من فيلم امريكي القاهرة